招牌也者，點止木牌咁簡單，仲係信譽之保證也。

以前招牌千篇一律，都係黑色木板一塊，乜乜寶號果幾隻字髹左金漆，所謂「金漆招牌」就係咁解。發展幾十年至今之招牌乜嘢質料乜嘢顏色乜嘢Size乜嘢燈色都有。

雅士廣告於香港豎立至今三十餘年，一開始舖仔細細於太子一條後巷仔，乜招牌呀、廣告牌、燈箱，大廈成塊牆咁大，或者打橫伸過成條街，都係用人手一手一腳砌出黎，誇張至極。

至後期不停擴展業務，緊貼潮流，從外國購入當時極新奇之高科技機械，如電腦割字機、雷射切割機等等，生意繼而愈做愈多樣化，會場佈置、陳列製品、紀念牌扁、揭幕碑石，統統都做得到。

三十年過去，霓虹光管流行程度已被LED取代，手寫招牌字亦不復存在；雅士廣告亦隨着時代變遷，廣告製作早已電腦化，服務更多元，製作更精細。唯一無變，是雅士仍稟承過往一手一腳的精神，堅持香港製造，質素保證，造出安全可靠、絕不危害公眾之招牌；由設計至安裝，每個步驟都親力監製。

憑藉各員工專業態度以及老師傅精細手工，雅士廣告細舖換大舖，搬嚟又搬去，現今的雅士為於大南街93號地下，依然離不開太子區，老闆話呢度仲有人情味咁話喎！

雅士廣告裝飾工程有限公司
ARTS-2 Advertising Decoration & Engineering Co. Ltd.